ТАЛАРХАЛ
Буян үйлдэгч та бүхэндээ
Буян үйлдэгч та бүхэндээ
Үр тарьсан тариа цагтаа боловсрох лугаа,
Үйлдсэн буян эзнээ даган дэлгэрнэ.
Нэгэн дусал рашаан далай болон арвиддаг мэт,
Нэгэн сайн үйл мянган жаргалын эх болно.
Өвөрхангай аймгийн Уянга суманд орших Ганданцээпиллэн хийдийн «108 суварга» бүтээх их буяны ажилд сэтгэл, хөрөнгөө харамгүй зориулсан нийт хандивлагч, өргөл барьсан сүсэгтэн олон, дэмжин туслагч байгууллага, хамт олон та бүхэндээ хийдийн хамба лам, лам хуврагууд болон төслийн багийн зүгээс гүн талархал илэрхийлье.
Та бүхний өргөсөн хандив бүр суварга бүтээх, мод тарих, тохижилт зэрэг буянт үйлсэд бүрэн зориулагдаж, хойч үедээ өвлүүлэх хэдэн зуунаар мөнхөрөх ариун өв болон үлдэх билээ. Тарьсан үр цагтаа боловсордог шиг, та бүхний үйлдсэн буян эзнээ даган арвижих болтугай.
Буян хишиг дэлгэрч, амар амгалан, эрүүл энх, сайн сайхан бүхэн та бүхний гэр бүлд цаг ямагт оршихыг ерөөе. 🙏
Суварга бүтээх буянд хандив өргөсөн сүсэгтэн олон, нутгийн зон олондоо талархъя.
Төслийг бодит ажил хэрэг болгоход тусалсан аж ахуйн нэгж, байгууллагууддаа талархъя.
Барилгын ажил, мод тарилт, зохион байгуулалтад биеэр оролцсон хүн бүрд талархъя.
Дээдийн «108 суварга» бүтээх их буяны ажил үргэлжилж байна. Нэгэн дусал рашаан далай болон арвиддаг шиг таны жижиг хандив ч их буяны эх болно.